News

Ajali za boda boda zinafikia 600 kila mwaka-afisa wa NTSA,Nakuru

Mteja akiabiri boda boda. Kulingana na NTSA, watu zaidi ya 600 walifariki mwaka jana kutokana na ajali za pikipiki. Picha/Wikipedia
Written by admin

Vifo ambavyo vinachangiwa na ajali za piki piki aina ya boda boda vimeendelea kuongezeka na kuhatarisha maisha ya wahudumu pamoja na wateja wao nchini, NTSA imesema.

Kulingana na msimamizi wa mamlaka hiyo ya usafiri na usalama barabarani jimbo la Nakuru  Eric Otieno, zaidi ya watu 600 walipoteza maisha yao mwaka jana 2018 kutokana na ajali za boda boda.

Akiongea mjini Molo kaunti ya Nakuru mnamo Jumamosi, Otieno alisema zaidi ya asilimia 50 ya wahudumu wa bodaboda hawajatimiza masharti yaliyowekwa idara ya trafiki, jambo linaloendelea kuweka maisha yao hatarini.

“Data tulio nayo inaonyesha kwamba ajali za pikipiki zimeongezeka kutoka thelathini na nne kutoka mwaka wa 2006, hadi watu wasiopungua 600 kipindi cha mwaka wa 2017/18,” Otieno akasema

Kutokana na hilo afisa  huyo alitaka wahudumu wa boda boda kupata mafunzo rasmi ya kuziendesha pikipiki, kuvalia kofia wakiwa kazini na pia kutii sheria za trafiki.

Afisa huyo wa NTSA ameongeza kusema, “Mwaka wa 2006 watu wengi nchini hawakuwa wamekumbatia usafiri wa pikipiki kama ilivyo kwa sasa. Lakini tunawaomba wanaboda boda watii sheria za barabarani ili wawe salama.”

Na Bernard Waweru

About the author

admin

Leave a Comment