News/Habari

BARINGO: UMAUTI KISA URITHI

Written by admin

Polisi katika kaunti ya Baringo wanamzuilia kijana mmoja anayeaminika kumuua ndugu yake mkubwa kufuatia mzozo uliohusisha urithi.

Alex Kalemaa Kiptoi (18) anadaiwa kumuua ndugu yake Josep Kipsingor Kiptoi (43)  kwa kutumia mshale kwa kumshutumu kuchukua sehemu kubwa ya mizinga ya nyuki zaidi ya 40 ambayo baba yao aliwaachia.

Maafisa wa DCI wameripoti kwamba Kalemaa alimdunga Kipsingor kwa mshale kwenye paja la kushoto wakiwa nyumbani kwao katika kijiji cha Kapndasum, eneo la Koituimet baada ya kulalamika kuwa nduguye alimnyima haki yake ya urithi.

Jeraha la mshale ambalo Kipsingor alipata lilivunja damu hadi akaaga na kuwaacha wanakijiji waliofika kwenye eneo la tukio wakiwa wamejawa na mshtuko kufuatia mauaji hayo.

Polisi kutoka kituo cha Mogotio walipopokea ripoti walifika kwenye eneo la tukio na kulichambua kabla ya kumtia baroni mshukiwa. Baadhi ya ushahidi wa muhimu ulichukuliwa ili kutumika mahakamani.

Mwili wa marehemu unahifadhiwa katika makafani moja mjini Eldama Ravine.

About the author

admin

Leave a Comment