News/Habari

‘Hakimu’ bandia na mkewe wakanusha mashtaka ya ulaghai

Victor Kiprop Ng’eno na mkewe Mercy Chepkurui walipofikishwa mbele ya hakimu mkuu Isaac Orengo mnamo Jumanne kwa kosa la ulaghai na kujifanya maafisa wa idara ya mahakama.
Written by admin

‘Hakimu’ bandia Victor Kiprop Ng’eno atasalia korokoroni kwa wiki nyingine moja kabla ya mahakama kutoa uamuzi wa ombi lake la kuachiliwa kwa  dhamama.

Ng’eno na mkewe Mercy Chepkurui walifikishwa mbele ya  hakimu mkuu Isaac Orengo mnamo Jumanne  kwa kosa la kujifanya wafanyikazi wa idara ya mahakama, ambapo waliwalaghai wakenya mamilioni ya fedha.

Wawili hao walikanusha mashtaka hayo na kuomba mahakama kuwaachilia kwa dhamana.

Hata hivyo upande wa mashtaka kupitia Monica Mburu ulipinga ombi hilo kwa misingi kuwa mshtakiwa anaeza kutoroka ikizingatiwa uzito wa kesi yake, na wala haijulikani anakoishi rasmi.

Ng’eno  anadaiwa kulaghai  watu kadhaa shilingi milioni tano  kati ya Oktoba Mosi 2018 na Disemba 2019.

Hata hivyo mkewe Mercy Chepkurui aliachiliwa kwa dhamana ya shilingi 350,000 baada ya upande wa mashtaka kusema hauna sababu za kuendelea kumzuilia zaidi. Kesi hiyo itatajwa Novemba 2 mwaka huu.

Mwandishi, Sarah Nyangeri Chege

About the author

admin

Leave a Comment