KISUMU: Utopolo wa jamii wamponza mtoto

Maafisa wa DCI  katika kaunti ndogo ya Nyakach kule Kisumu wanachunguza kisa ambapo mtoto mvulana wa siku nane amefariki katika kile kinasemekana ni kufeli kwa zoezi la kumpasha tohara  mtoto huyo katika Kanisa   la Nomiya.

Wazazi wa mtoto huyo pamoja na kiongozi wa kanisa aliyefanya tohara hiyo, wameandikisha taarifa katika kituo cha polisi cha Nyakach.

Kisanga hicho kilitokea katika kijiji cha Kaloo  kulingana na chifu wa lokesheni ya Sigoti Michael Sati, ambaye pia alisema familia hiyo iliharakisha kumzika mtoto huyo siku iyo hiyo aliyoaga.

Chifu huyo alisema mtoto huyo alizikwa pasi na wazazi wake kujulisha utawala kuhusu kifo chake.