NAIROBI: UCHUNGUUCHUNGU BAADA YA UTAMUUTAMU KWA MWANAJESHI

Afisa mmoja wa KDF amehukumiwa kifungo cha miaka mitano unusu gerezani na Mahakama ya Kijeshi iliyokuwa na kikao katika kambi ya Lang’ata baada ya kupatikana na hatia ya kujihusisha na makosa ya usajili haramu wa makurutu.

Wanachama wa mahakama hiyo wakiongozwa na Kanali Lucas
Teimuge na Hakimu Mkuu Mwandamizi wa Milimani Bernard Ochoi walimpata Koplo Fred
Kiptum Kiplagat na hatia ya kujipatia pesa kwa njia ya ulaghai, kutoroka kazini
na kutoa barua ghushi za usajili wa makurutu kujiunga na KDF.

Koplo Kiptum amehukumiwa kifungo cha miaka miwili jela kwa
kupokea shilingi laki tatu kutoka kwa Charles Kipkorir tarehe nne mwezi wa nne
mwaka huu akisingizia kwamba alikuwa na uwezo wa kumsajilisha mwanawe Brian
Kipkemoi katika jeshi.

Pia amepatiliziwa 
kifungo kingine cha miaka miwili gerezani kwa kupokea shilingi 102, 500
kutoka kwa Brian Kipkemoi siku iyo hiyo akisingizia kwamba alikuwa na uwezo wa
kushawishi kuajiriwa kwake katika jeshi.

Zaidi ya hayo, Kiptum alihukumiwa kifungo cha mwaka mmoja
jela kwa kutoa barua bandia ya kujiunga na jeshi kwa mlalamishi.

Hukumu yake itatekelezwe kwa awamu na mtuhumiwa ana siku 14 kukata rufaa. Plancha de https://casillascontracting.us/casinos-in-north-county-san-diego/ titanio Ti de 28cm x 28cm.