Washukiwa 6 wa ulanguzi wa watoto wakamatwa Eldoret

Washukiwa sita wa kike wanaoaminika kuendeleza biashara ya ulanguzi wa watoto wamekamatwa na maafisa wa upelelezi Katika kaunti ya Uasin Gishu wakiwa na watoto wawili wavulana wa Kati ya umri wa miaka 2 na 3.
Akithibitisha haya,mkuu wa upelelezi Kaunti hiyo Isaac Onyango anasema waliweza kuwanasa Washukiwa hao kupitia kwa ushirikiano wao na maafisa wa polisi katika Kaunti ya Kisii.
Bw.Onyango ameongeza kuwa sita hao wamekuwa wakiendeleza biashara hiyo kutoka Kaunti moja hadi nyingine huku akitoa mwito kwa jamii kuwa macho kwa wanao na kuwapa ushauri familia ambazo hazijajaliwa kupata watoto kutonunua watoto kwa watu wasiowafahamu bali wafike katika makaazi ya kuwalea mayatima na kufuata masharti yanayoitajika.
Sita hao watafikishwa mahakamani pindi tu maafisa hao watakapokamilisha uchunguzi wao.