Akamtwa kwa dhuluma dhidi ya mtoto

Mwanamke mwenye  umri wa makamu  mama wa watoto watatu anatarajiwa kufunguliwa mashtaka baada ya kupatikana akimdhulumu mjakazi wake  mwenye umri wa miaka  16 katika eneo la Muguga Pipeline viungani mwa mji wa Nakuru.

Hellena Kabukuru OCPD wa Nakuru Mashariki amethibitisha hili na kusema kuwa alipokea ripoti kutoka kwa wasamaria wema na majirani ambao walishuhudia mjakazi  huyo akiwa amevunjika mkono mbali na kuwa na kidonda kwenye uso wake  majeraha yanayoaminika kutokana na  kichapo alipopokea kutoka kwa mwajiri wake wa mwaka mmoja  Susan Wangeci..

Kabukuru anasema Mwajiri huyo  atafunguliwa mashtaka pale uchunguzi utakamilishwa huku msichana huyo kwa sasa  akipelekwa katika hospitali kuu ya jimbo kwa matibabu.

Kwa mujibu wa OCPD Wangeci atafunguliwa mashtaka ya  dhulma sawa na kuajiri mtoto  mwenye umri mdogo na hivyo kumnyima haki zake za kuwa shuleni.

Juhudi za kuifikia familia yake  hazijafua dafu.

Sarah Nyangeri