BUSIA: Shule ya Moto wa Ajabu!!!!

Shule ya upili ya Sigalame katika kaunti ya Busia imefungwa kwa muda usiojulikana kufuatia kisa cha moto cha hivi punde katika msururu wa visa kama hivyo katika shule hiyo.

Kulingana na ujumbe uliotumiwa wazazi na usimamizi wa shule hiyo moto uliteketeza bweni la Lenana katika shule hiyo usiku wa kuamkia leo.

Hiki ni kisa cha tatu cha moto katika shule hiyo katika kipindi cha chini ya miezi miwili hali ambayo imezua taharuki miongoni mwa wazazi na wadau wa shule hiyo ya wavulana.

Usimamizi wa shule hiyo ulisema jumla ya wanafunzi 137 waliathirika kutokana na kisa cha hivi punde ingawa hakuna mwanafunzi aliyejeruhiwa kutokana na kisa hicho.