Msiwauzie walio chini ya umri pombe :Wauzaji waonywa

Vilabu ambayo vitakiuka sheria msimu huu wa likizo na kuwauzia vileo watu chini ya umri vitafungwa na wahudumu wake kutiwa nguvuni na kuchukuliwa hatua za kisheria

Naibu kamishina kaunti ndogo ya Molo David Wanyonyi amesema hatua hiyo itatekelezwa bila huruma huku akiwataka wazazi kuwajibikia majukumu yao kwa watoto wao

Wanyonyi amesema watoto hupotoka kimaadili haswa wakati wa likizo jambo ambalo huwa changamoto kwa idara ya elimu shule zinapofunguliwa

“Itakua ni serikali dhidi yao kama watapatikana wakiwauzia watoto  pombe ,tunawarai wauzaji wawe waangalifu zaidi msimu huu.”Alisema Wanyonyi