NAKURU: Vibarua vya maafisa wa usalama vyaoteshwa nyasi na pombe haramu

Kamati ya usalama eneo bunge la Bahati ikiwemo OCPD  wa Bahati Bernard Wamugunda, Naibu kamishna wa kaunti ndogo ya Bahati  Godfrey Mayama,  naibu kamishna wa eneo la kiamaina, OCS wa  kituo cha polisi cha Kiugu-ini Solomon Wamae, chifu wa  Hodi Hodi  na manaibu  wake wamesimamishwa kazi kwa muda kufuatia matukio ya pombe haramu yaliyopelekea maafa ya watu kumi  katika eneo bunge la Bahati wiki jana.

Akizungumza na wanahabari mratibu wa eneo la bonde la ufa George Natembeya amesema maafisa hao  wana siku 21 kujieleza kuhusiana na kisa hicho.

Aidha Natembeya amewapa maafisa wa usalama wanaozembea kazini kuwa chuma chao ki motoni.